ginatawag siya sa ngalang Pablito.
gamhanang mang-uuma sa layo nga baryo.
taason, gahi'g bukton, dili lang kaayo guapo.
pero mga mata kung mututok, mka-bugto'g hilo.
`````````````````````````````````````````
aduna siya'y tulo ka mga trato.
iyang gihigugma, sa kasing2x bug-at kaayo.
apan usa ra ang pakaslan, dili pwede tulo.
matud pa sa pulong ni higalang Pedro.
`````````````````````````````````````````
si Bebang.. ilang silingan sukad pa niadto
guapa kini, lingin ang mata daw piso.
nindut paliwatan matud pa sa mga amigo.
pero ang problema, arang daghana gyud ug kuto.
``````````````````````````````````````````
si Tekla..nakadaug siya sa lotto.
gipatukod dayun ug payag ang premyo.
pang-gaun si Pablito sa hangtud, kuno.
pero kung siya muhagok, labaw pa’s pito sa barko.
``````````````````````````````````````````
si Bulai..sa kusina siya ang experto.
kugihan manglaba, plantsa, silhig ug lampaso.
musag-ob ug tubig, kuskuson buling sa banyo.
pero tambok siya kaayo, paa mura'g troso.
``````````````````````````````````````````
si Pablito, naglibog ug ayo.
kung kinsa sa tulo ang angayan mu-paso,
Sa buwakang pasilyo sa simbahang bato.
“Si Bebang, Tekla o Bulai ba kaha nu?”
``````````````````````````````````````````
Sa kapilian intawn ni Pablito.
Nagdahum nga muabot ang baye’ng perpekto.
Hangtud karon, nagpabilin siyang ulitawo.
Nag-inusara sa iyang uma sa layo nga baryo =(
No comments:
Post a Comment