kendi

septembre pa lang, nagsugod na'g panaygon.

mga batang yagit, way kaligo ug sip-unon.

gihatag sa nanaygon, kendi nga tam-ison.

wa abti'g buwan, dah! nahingo ang mga ngipon.

daghang pagkaun ang i-andam sa lamisa.

lamiang hamon, preskong prutas ug keso de bola.

bahala unta'g kendi ra ang gisawhan sa pamilya,

basta lang kay ang tanan magka-hiusa.

mga silingan iyahay lang ug paindigay.

namungingi ug dekorasyon, gawas ug sulod sa balay.

para sa mga bata, mkapatabisay gyud sa laway,

klase-klaseng kendi sa krismas tree i-bitay.

mga ninong ug ninang nag-andam ug regalo.

para sa mga kinugos nga gahi ug ulo.

ilang gusto kay ip-od, PSP, ang uban pa gyud shabu.

kung tagaan ug baratuhon nga kendi, magkusmod pag ayo.

kung muhatag ug regalo, presyo ba diay ang sukdanan?

ang importante nga bisan kendi ra, kinasing-kasing nga hinatagan.

pero kung tagaan ko'g havaianas, dili naku balibaran.

(see previous blog; thanks pax and jie!)

kay matud pa's katiguwangan, lisud na'g magabaan.